UREMBO ZANZIBAR SI UHUNI, WAZEE WANENA

TAMASHA la ‘Zanzibar Fashion Gala’ limefanyika Visiwani Zanzibar kwa mafanikio makubwa baada ya kukubaliwa na wazee wa Visiwani humo kwamba fashioni siyo uhuni kama inavyodhaniwa na wengi.

Mratibu wa Tamasha hilo, Titi alisema ilikuwa kazi kuwafanahamisha wazee kuhusiana na maonyesho hayo ya urembo, hadi walipowaelezea faida ya urembo kwa msichana wa Zanzibar kwamba anajitengenezea ajira na mambo mengine mengi.

      Titi alisema dhunini la onyesho hilo lililofanyika katika fukwe za bahari ni kuboresha fani ya ubunifu wa mavazi visiwani Zanzibar pamoja na kuvionyesha na kuvikuza vipaji vya wasichana wa Zanzibar .

Mengine ni kutoa ajira kwa wasichana warembo, kuwafundisha nidhamu, kuwajengea kujiamini na wajielewe ili wasijihusishe na matendo mabaya yatakayowaharibia maisha yako.