SUARES AKIRI KUNGATA, AOMBA RADHI

Montevideo, Uruguay

MCHEZAJI, Luis Suarez ameomba radhi kwa beki wa Italia, Giorgio Chiellini, baada ya kumng’ata katika fainali za Kombe la Dunia siku waliyocheza na timu hiyo kuitupa nje Italia katika fainali hizo zinazoendelea nchini Brazil.

Mshambuliaji huyo wa Uruguay, amefungiwa miezi minne na mechi tisa na Shirikisho la Soka la Kimataifa (FIFA), baada ya tukio hilo.

   Awali mchezaji huyo alikataa kata kata kumng'ata beki huyo lakini jana amekubali jambo hilo ambalo hata hivyo baadhi ya watu wanadai amelazimishwa kufanya hivyo.

        Katika maelezo yake aliyoyatoa katika mtandao wa Twitter, Suarez, aliandika: “Baada ya kuwa nyumbani siku kadhaa na familia yangu, nilikuwa na nafasi ya kukumbuka yaliyotokea katika mechi yetu na Uruguay. Najuta kwa kile nilichofanya.”

      “Naomba msamaha kwa Giorgio Chiellini na wapenda soka wote. Naapa kwa jamii kuwa sitarudia tena tukio kama hilo.”

        Lakini kabla ya kuomba msamaha, Rais wa Uruguay, Jose Mujica, aliitukana FIFA kutokana na kifungo hicho cha miezi minne na mechi tisa cha Suarez.