IVORY COAST NA CONGO DRC, GHANA NA EQUATORIAL GUINEA NUSU FAINALI

IVORY Coast imetinga nusu fainali ya michuano ya AFCON kwa kuibanjua vinara wa Afrika katika soka Algeria kwa magoli 3-1 katika mchezo uliochezwa jana usiku.

Mabao ya Ivory yalifungwa na mchezaji mpya wa Manchester City, Wilfred Bony ambaye alifunga mabao mawili yote kwa kichwa huku Gervinho akifunga bao moja kirahisi dakika za mwisho wa mchezo.

Bao pekee la Algeria lilifungwa na Hilal Soudani kwenye kipindi cha pili.

Ivory Coast watapambana na Congo DRC katika mchezo wa nusu fainali huku Ghana wakicheza nusu fainali yao na wenyeji wa michuano hii Equatorial Guinea.