DAVIDO MSHINDI BEST INTERNATIONAL ACT. AFRIKA, BET

MSANII kutoka Nigeria Davido ameshinda tuzo ya ‘Best International Act. Afrika’huku swahiba wake Diamond akikosa tuzo hiyo lakini amejipatia umaarufu mkubwa kutoka kwa mashabiki wake kote duniani baada ya kufika hatua ya juu na kuweka historia kwa kuwa mwakilishi pekee wa Afrika Mashariki kwa mwaka 2014.

Davido akiwa na tuzo yake

    Wasanii walioshindania tuzo hiyo ni Diamond Platnumz (Tanzania), Davido (Nigeria), Mafikizolo (Afrika Kusini), Sarkodie (Ghana),

Tiwa Savage (Nigeria) na Toofan wa (Togo).

Baada ya tuzo hizo, Davido aliandika kwenye ukurasa wake wa ‘Instagram’ alishukuru mashabiki wake na kuelezea furaha yake kwamba wamepata tuzo hiyo.

     Diamond kupitia ukurasa wake wa ‘Instagram’ alisema nanukuu; “Kupata fursa ya ‘kushare treatment', ‘kunetwork’ na kubadili ‘ideas’ na wasanii ambao ulikuwa ukiwaona tangu mtoto, unakua na tangu unaanza muziki haujui utoke vipi... kiukweli ni jambo ambalo linatia moyo na nguvu sana ili uzidi kupambana zaidi, kesho na kesho kutwa, tasnia yetu nasi ifike kwenye kilele... ‘Das me and my Boy Nelly at the @betawards red carpet’... Wenyewe wa uswazi tunamuitaga "Nelly I love you" Mzee wa plasta’’ ulieleza ujumbe huo ulioambatana na picha ya Diamond akisalimiana na msanii wa Marekani Nelly.

Diamond akiwa na Nelly 

     Hata hivyo utoaji wa tuzo hizo umewakera  watanzania wengi kutokana na kutokuwa na mpangilio mzuri huku tuzo zikitolewa tofauti na utaratibu uliozoeleka kwenye tuzo mbalimbali ikiwemo MTV base.

     Hata hivyo baadhi ya watu wameponda utaratibu wa tuzo ulivyokuwa ukitolewa kwa baadhi ya wasanii kuonekana jukwaa kuu huku wengine wakiishia backstage na wengine wakionekana kushika tuzo zao.